Swadro rakstrarvélar

Swadro rakstrarvélar

Rakstrarvélarnar frá Krone eru orðnar þekktar á Íslandi fyrir einfaldleika og áreiðanleika. Líkt og á öðrum tækjum frá Krone eru gírhúsin á Swadro rakstrarvélunum lokuð og vökvasmurð og þurfa ekki reglulegt viðhald. Það sem sker Krone frá öðrum rakstrarvélaframleiðendum er hönnunin á tindaörmunum og stýringunum sem þeir ganga í. Stýringarnar eru úr sterkustu gerð af áli og í þeim eru legur í báðum endum. Þannig þola vélarnar mikið álag og tryggt er að raksturinn sé jafn og vélin stöðug, jafnvel í þungum aðstæðum. Á sama tíma er rótorinn eins einfaldur og hægt er og þarfnast ekki reglulegs viðhalds. Öll hönnunin á Swadro rakstrarvélunum miðar að því að ná sem hreinustum rakstri, án þess að særa jarðveginn.

Öflugar stýringar

Stýringarnar sem tindaarmarnir leika í eru úr öflugustu gerð af áli. Í báðum endum eru lokaðar legur. Markmiðið með því er að hafa sem lengst á milli þeirra, svo armarnir séu eins stöðugir og mögulegt er í þungri vinnslu. Legurnar eru lokaðar og þurfa ekki reglulegt viðhald.

Fylgir landinu

Vélin öll er hönnuð til að ná sem bestum rakstri í öllum aðstæðum. Vélin öll skekkist og tindar lyftast upp eftir því hvernig landið liggur. Þannig nær vélin að raka allt sem á vegi hennar verður, án þess að særa jarðveginn. Allt er þetta eins einfalt og hægt er og ekkert sem getur klikkað í þessu.

Margar útfærslur

Swadro rakstrarvélarnar eru til bæði einnar og tveggja stjörnu, með rakstri til hliðar eða í miðju og svo á vagni eða ekki. Samtals bjóðum við því upp á 15 útfærslur af Swadro – svo þú ættir að finna eitthvað við þitt hæfi.

Swadro rakstrarvélalínan 2020

Swadro rakstrarvélarnar koma í mörgum útfærslum – einnar stjörnu, tveggja stjörnu með miðjurakstri og tveggja stjörnu með rakstri til hliðar. Hér fyrir neðan geturðu kynnt þér verð og búnað á öllum týpum í hverri útfærslu fyrir sig. Einnig eru til stærri vélar, allt að 19 metra – ekki hika við að setja þig í samband við sölumann til að kynna þér þær vélar frekar. Verðin eru gefin upp án virðisaukaskatts og breytast í takt við gengi evru. Verðin miða við gengið EUR = 136. Allar vélar sem eru forpantaðar eru afhentar samsettar og heim á hlað.

Skoða bækling um Swadro línuna.